Phool The Rang The ….

Phool The Rang The



Phool The Rang The Lamhon Kee Sabahat Hum The;

Aise Zinda The Ki Jeene Kee Alamat Hum The;



Sab Khirad-Mand Bane Phirte The Masha-Allah;

Bas Tere Shehar Mein Ik Sahib-e-Vehshat Hum The;



Naam Bakhsha Hai Tujhe Kis Ke Wufoor-e-Gham Ne;

Gar Koi Tha To Tere Mujrim-e-Shohrat Hum The;



Ab To Khud Apni Zaroorat Bhi Nahi Hai Hum Ko;

Wo Bhi Din The Ki Kabhi Teri Zaroorat Hum The;



Dhoop Ke Dasht Mein Kitna Wo Humein Dhundhta Tha;

‘Aitabar’ Us Ke Liye Abr Kee Soorat Hum The!

~ Aitbar Sajid



Leave a Reply

Your email address will not be published. Required fields are marked *